Lindita Arapi, Darien Levani, Mariklena Niço, Lindita Komani, Flurans Ilia, Lisiana F. Demiraj, Eljan Tanini, Gresa Hasa, Arti Lushi, Sabina Veizaj, Edon Qesari dhe Albana Nexhipi janë pjesë e kësaj antologjie.
Sot dhe nesër në Zagreb, “Booksa”, klubi i librit, përuron një Antologji me krijimtari nga 12 autorë shqiptarë: Lindita Arapi, Darien Levani, Mariklena Niço, Lindita Komani, Flurans Ilia, Lisiana F. Demiraj, Eljan Tanini, Gresa Hasa, Arti Lushi, Sabina Veizaj, Edon Qesari dhe Albana Nexhipi. Përkthimin e ka realizuar Shkëlzen Maliqi, ndërsa përzgjedhja është bërë nga Arian Leka.
Më parë, në gjuhën shqipe, kjo krijimtari është botuar në revistën POETEKA dhe është lexuar në festivalin Eponim.
Për ata që se njohin “Booksa”, është një nga vendet e preferuara në Zagreb. Është një klub libri, ku për të shijuar ç’ka ky vend ofron, nuk duhet të jesh një anëtar.
Emri, i cili mbetet në mendje vjen nga një zhargon – në gjuhën kroate “buksa” do të thotë burg. Pra, nëse jeni “i burgosur” nga dashuria juaj për letërsinë do të ndiheni si në shtëpi , të rrethuar nga fotografitë e artistëve vendas e të huaj, muzikë e mirë dhe natyrisht nga librat. / KultPlus.com