Kryetari i Nismës për Kosovën, Fatmir Limaj, ka reaguar me rastin e arrestimeve të fundit në selinë e Lëvizjes Vetëvendosje!, ku u arrestua edhe deputeti Albin Kurti.
Ai ka shpërndarë një video në të cilën shihet ndërhyrja e policisë në zyrat e VV-së.
“Shikojeni regjimin e Isës e të Hashimit se si futet në selinë e një partie parlamentare. Ky regjim me masa represive dhunon zyre, shtyp zërin opozitar, ky regjim burgos deputetë. Kjo është demokracia e Isës e Hashimit. Mirë që maska u shqye më në fund, kjo është fytyra e vërtetë e tyre. Ata dy dhe regjimin e tyre sot e tmerroj manifestimi madhështor i popullit, sot u pa kush janë dhunuesit e shtetit”, ka shkruar Limaj në profilin e tij në Facebook.