Sot janë bërë 28 vjet nga rënia heroike e dëshmorit të kombit, Alush (Nezir) Kryeziu.
Kryeziu ishte veprimtar i shquar i çështjes kombëtare.
Bashkëveprimtari Avdi Ibrahimi, tregon se figura e Alushit, i ka frymëzuar të gjithë bashkëveprimtarët dhe luftëtarët e UCK-së.
“Figura e Alushit na ka frymëzuar tërë jetën, duke na treguar se si luftohet, veprohet e vdiset për çlirimin e bashkimin e Atdheut Shqiptar”, shkruan Ibrahimi, në rrjetin social, ‘Facebook’.
Përvjetori i 28-të i rënies së dëshmorit, Alush Kryeziut, për herë të parë nuk i ka bashkuar fizikisht bashkëveprimtarët, për shkak rrethanave që po përballet vendi me pandemi.
“Është hera e parë pas 27 vitesh që ky përvjetor nuk do na gjejë së bashku, neve shokëve e shoqeve të idealeve atdhetare që të nderojmë me tufa lulesh mbi varrin e dëshmorit të atdheut, ngase një armik vrasës i padukshëm, i quajtur COVID 19, na ka izoluar mbarë njerëzimin”, thotë Ibrahimi.
“ Megjithatë, s’ka vend për harresë. Heroizmi i Alushit është burim frymzimi për ne që na bënë të jemi krenar me ju heronj dhe heroina të kombit shqiptar. Kjo rrugë organizative e qëndresës aktive pa dyshim se ishte e vështirë dhe duheshin sakrifica të mëdha, porse nuk kishte se si bëhej ndryshe”.
“Liria pa gjak nuk fitohej thoshte Alushi”.
Alush Kryeziu, në vitin 1992, ra heroikisht në lagjen “Ortakoll” të Prizrenit./PrizrenPress.com/