-1.2 C
Prizren
E shtunë, 4 Shkurt, 2023

Prizreni shënon fitore bindëse ndaj Rahovecit

Ponte Prizreni ka vazhduar me fitore, duke mundur Rahovecin me rezultat 104:87 (28:22, 25:21, 20:27, 31:17), në kuadër të javës së 12-të të Prince Caffe Superligës.

Vendasit e nisën më mirë ndeshjen, duke pasur epërsi prej gjashtë, tetë e nëntë pikësh, ku e fituan çerekun e parë me shifrat 28:22. Vreshtarët me katër pikë radhazi afruan shifrat në 28:26, por më pas nisja shkëputja e prizrenasve që shkoi deri në 18 pikë, 49:31, por mysafirët u këndellën paksa, ndërsa skuadrat shkuan në pushim me rezultat 53:43.

Skuadra nga Rahoveci duke parë rëndësinë e ndeshjes, e nisën fuqishëm periodën e tretë, duke bërë përmbysjen e madhe dhe kaluan në epërsi 64:66 dhe më pas zhvillohet një lojë kryesisht e barabartë, ndërsa rezultati pas 30 minutash ishte 73:70. Lojë e barabartë u zhvillua deri katër minuta nga fundi, kur vendasit u shkëputën dhe triumfuan 104:87.

Te Ponte Prizreni u dalluan Urim Zenelaj me 20 pikë, 14 kërcime e katër asistime, Dachon Burke me 32 pikë, katër kërcime e katër asistime dhe Wayne Arnold me 31 pikë e pesë kërcime, kurse te Rahoveci u dalluan Isaiah Manderson me 25 pikë e 11 kërcime dhe Hugins Braxton me 29 pikë, katër kërcime e katër asistime.

Ponte Prizreni ka gjashtë fitore e pesë humbje, kurse Rahoveci ka dy fitore e dhjetë humbje. /Gazeta Express/

Më Shumë

Latifi takon shefin e Zyrës Ndërlidhëse të Sllovakisë: Rahoveci ka potencial për investime

Kryetari i komunës së Rahovecit, Smajl Latifi, ka pritur në takim shefin e Zyrës Ndërlidhëse të Sllovakisë në Prishtinë, Rastislav Kostilnik. Latifi ka falënderuar për...

Lëndohet një punëtor në vendin e punës në Korishë të Prizrenit

Në fshatin Korish të Prizrenit, një person derisa po punonte, ka rënë nga lartësia. Viktima është dërguar në spital për trajtim mjekësor dhe në vend...

Lajmet e Fundit