7.6 C
Prizren
E shtunë, 27 Shkurt, 2021

40 padi kundër Komunës së Prizrenit për pagat jubilare dhe shujtat në vitin 2020

Në Gjykatën Themelore të Prizrenit për një vit kundër Komunës janë pranuar 40 padi lidhur me pagat jubilare dhe shujtat ditore.

Zyrtarët e kësaj gjykate kanë bërë të ditur se gjatë vitit 2020 janë evidentuar mbi 700 lëndë për shujta ditore dhe mbi 100 lëndë për paga jubilare në procedurën përmbarimore ndaj Komunës së Prizrenit, përkatësisht ndaj Drejtorisë së Arsimit dhe Drejtorisë së Shëndetësisë. Siç ka bërë të ditur zëdhënësi i kësaj gjykate, Marcel Lekaj, për paga jubilare janë evidentuar 113 lëndë, ndërsa për shujta ditore 714 lëndë.

Ndërsa autoritetet komunale të Prizrenit kanë bërë të ditur se po përballen me vështirësi sa i përket përmbushjes së obligimeve të përshkruara në Kontratën Kolektive të Arsimit, veçanërisht lidhur me pagesën e shtesave, pagave jubilare e përcjellëse si dhe të shujtave ushqimore për mësimdhënësit. Drejtuesit e Komunës në forume të ndryshme kanë adresuar shqetësimin se niveli qendror në të shkuarën ka lidhur marrëveshje me Sindikatën e Arsimit për këto pagesa, dhe se nivelit komunal nuk i janë ofruar kodet buxhetore për realizimin e pagesave. Sipas tyre, një gjë e tillë po e dëmton buxhetin e Komunës, meqë mësimdhënësit po i drejtohen gjykatave, dhe se me vendime gjyqësore këto pagesa po ekzekutohen nga fondet e Komunës.

Kryetari i Komunës së Prizrenit, Mytaher Haskuka këtë çështje javë më parë e ka diskutuar edhe me ekspertët e Bankës Botërore, gjatë një takimi ku është biseduar lidhur me rishikimin e financimit të arsimit në komunat e Kosovës. Në mesin e sfidave, Haskuka ka përmendur obligimet që i janë bartur komunës me Kontratën Kolektive të Arsimit.

“Një çështje tjetër që e kemi ngritur gjatë këtij takimi janë marrëveshjet që po i bëjnë qeveritë me sindikatat, për të cilët më pas nuk i alokojnë mjetet por edhe kodet buxhetore për pagesa. Kështu ishin marrëveshjet e qeverive të kaluara me SBASHK-un, ku parashiheshin pagesat e pagave jubilare, pagat shtesë dhe pagesat e shujtave ushqimore, e në anën tjetër nuk ofruan kode buxhetore për realizmin e këtyre pagesave dhe në fund, gjykatat vendosin që këto pagesa të paguhen nga fondet e Komunës, gjë që e dëmton buxhetin”, ka theksuar Haskuka.

Në anën tjetër anëtarët e Kuvendit të Komunës së Prizrenit nga radhët e partive opozitare gjatë seancave të rregullta kanë kërkuar nga ekzekutivi komunal që t’i paguajë shujtat e pagat jubilare të mësimdhënësve, në mënyrë që punonjësit e arsimit mos të jenë të detyruar që këto t’i kërkojnë përmes gjykatave.

Këshilltarja Agnesa Sinanaj nga Aleanca për Ardhmërinë e Kosovës ka propozuar që Komuna me mekanizmat e saj të intervenojë dhe t’i shmangë procedurat gjyqësore për pagesat ndaj mësimdhënësve. Sipas saj, në vend se mjetet buxhetore të shkojnë në suficit është më mirë që të kryhen obligime ndaj mësimdhënësve, pa i munduar ata.

“Mësimdhënësit edhe ashtu të drejtën e tyre do ta realizojnë. Atëherë pse ka nevojë që kjo çështje të shkojë nëpër gjykatë, dhe që Komuna nga buxheti i saj, pos shumës së paraparë gjithashtu të paguajë ekstra edhe shpenzime për përmbaruesit”, është shprehur ajo.

Sadije Osaj-Jakupi nga Lidhja Demokratike e Kosovës ka kërkuar që pagesat të bëhen për të gjithë mësimdhënësit, pa bërë dallime mes shkollave.

Ndërsa Sherife Balaj nga Partia Demokratike e Kosovës ka shprehur qëndrimin se mësimdhënësit janë të detyruar që pagesat për shujta e paga jubilare t’i realizojnë përmes padive përkatësisht përmbaruesve, që paraqet barrë si për mësimdhënësit ashtu edhe për buxhetin e Komunës.

Edhe Fatmir Kastrati i AAK-së ka kërkuar që organet komunale të veprojnë dhe ta zgjidhin këtë çështje me Ministrinë e Arsimit, në mënyrë që mësimdhënësit për pagesat e shujtës dhe të pagës jubilare mos të sorollatën nëpër zyrat e avokatëve, apo gjykata e përmbarues. “Mësimdhënësit duhet t’i marrin ato mjete që ju takojnë”, ka thënë ai.

Para anëtarëve të Kuvendit të Komunës, Haskuka ka sqaruar se për këtë çështje i është drejtuar me shkrim secilit ministër të Arsimit.

“Ju kam thënë, ju po bëni marrëveshje me SBASHK-un edhe po ia leni barrën komunave të paguajë. Në të njëjtën kohë nuk po na jepni kode buxhetore si t’i paguajmë shujtat, pagat jubilare. Çdo ministri i kam shkruar, edhe në Qeverinë Kurti, kur ministre e Arsimit ka qenë Hykmete Bajrami, që të na lejojnë kodet si t’i paguajmë këto, sepse mësimdhënësit po shkojnë te përmbaruesi dhe pastaj po dëmtohemi, jo vetëm me shifrën që duhet ta paguajmë, por po duhet edhe 20 për qind përmbaruesin me i marrë. Por nuk na e kanë mundësuar këtë”, ka thënë Haskuka.

Kontrata Kolektive e Arsimit e nënshkruar nga MASHT-i dhe SBASHK-u, në prill të vitit 2017 përveç tjerash parasheh të drejtën e shtesës për përvojë në punë për të punësuarit në institucionet arsimore, pastaj kompensimin për ushqim gjatë punës, shpenzimet e rrugës respektivisht 70% të biletave të trafikut urban, po ashtu shpërblimin jubilar në vitet jubilare të punësimit, sikurse edhe pagesë përcjellëse për mësimdhënësit që dalin në pension.

https://www.koha.net/kosove/259137/40-padi-kunder-komunes-se-prizrenit-per-pagat-jubilare-dhe-shujtat-ne-vitin-2020/

Më Shumë

Vallja e Tropojës, përgatitet dosja për në UNESCO

Vallja e Tropojës, kjo pasuri e çmuar kombëtare është shpallur nga Ministria e Kulturës e Shqipërisë dhe Akademia e Shkencave, si pjesë e listës...

FOTO/ Vëllezërit nga Burreli vdesin nga Covid-19, brenda 24 orësh

Brenda 24 orëve, dy vëllezër nga Mati kanë ndërruar jetë nga Covid-19. Sipas raportimeve, viktimat janë perkatësisht Fatmir dhe Luan Domi, 60 dhe 55 vjeç. Lajmi bëhet...

Arrestohen një shtetas i Kosovës dhe dy shtetase të Shqipërisë në Morinë

Një shtetas i Kosovës dhe dy shtetase të Shqipërisë janë arrestuar në pikëkalimin kufitar në Morinë, pasi gjatë kontrollit i janë gjetur dhe sekuestruar...

Konkurrenca e përmirëson biznesin tuaj

Ndërmarrësit e suksesshëm arrijnë sukses nën presion të konkurrencës. Në vend se ta shohin konkurrencën si pengesë, ata e shohin si një mundësi. Dharmesh Shah,...

3500 zyrtarë policorë do të përfitojnë nga mjetet e ndara prej Qeverisë

Javën e kaluar, Qeveria e Kosovës ka alokuar 700 mijë euro shtesë për zyrtarët policorë. Ato mjete do t’u jepen 3.500 policëve, të cilët nuk...

Ky është shteti që ka regjistruar vetëm një viktimë nga Covid-19

Derisa shumë shtete po regjistrojnë qindra mijëra viktima nga Covid-19, Butani aktualisht është i vetmi vend në botë ku vetëm një person ka vdekur...

Një muaj paraburgim për prizrenasin që u prezantua si sigurim i Kuvendit dhe mashtroi një person

Gjykata Themelore në Prizren i ka caktuar masën e paraburgimit prej një muaji të pandehurit G.K, për shkak të dyshimit të bazuar se ka...

Prizren: Ish-inspektori i akuzuar për korrupsion mungon në seancë, shtyhet gjykimi për 30 prill

Ka dështuar seanca ndaj ish-inspektorit të ndërtimit në Prizren, Nexhmedin Musliu, i cili po akuzohet për keqpërdorim të detyrës zyrtare. Seanca ishte e paraparë...

Sot është datëlindja e Adem Demaçit

Simboli i rezistencës kombëtare Adem Demaçi ka ndërruar jetë më 26 korrik të vitit të kaluar, ndërsa sot është përvjetori i lindjes së tij,...

Komuna e Malishevës do t’i ndihmojë tri familje në rinovimin e shtëpive

Kuvendi Komunal i Malishevës ka mbajtur të premten mbledhje në të cilën kanë diskutuar për çështje të ndryshme në arsim, infrastrukturë rrugore, kanalizim, ndriçim...

Televizioni italian kronikë Muzeut Etnik Arbëresh

“Rai Calabria” i ka kushtuar vëmendje të veçantë, komunës së shqiptarëve të hershëm të Kalabrisë. Në një kronikë të zgjeruar informative, komunës arbëreshe Civita dhe Muzeut Etnik...

Kush janë më të votuarit e PDK-së?

Nga numërimi i 79,39 për qind të votave deri më tani, 19 kandidatë të PDK-së për deputetë morën numrin më të madh të votave. Klan...

Balje për votat “e kontrabanduara”: Po përgatis ankesë për PZAP dhe Kushtetuese

Kryetarja e Unionit Socialdemokrat, Duda Balje, është duke përgatitur ankesën e saj me të cilën do t’i drejtohet Panelit Zgjedhor të Ankesave dhe Parashtresave...

Bitcoin i rikthehet fitimeve

Pas një rënie prej gati 10 mijë dollarë brenda tri ditëve, Bitcoin ka filluar ta rimerr vetën. Ky kthim i fitimeve të kësaj kriptovalute vjen...

I shumëkërkuari nga policia ka punuar mjek në Malishevë, reagon Oda e Mjekëve të Kosovës

Policia e Kosovës ka kërkuar ndihmë për kapjen e një personi në kërkim. Personi i kërkuar është Ramadan (Feriz) Sopaj i lindur me 03.05.1955 n? fshatin...

Rikthehet Superliga e Kosovës në basketboll

Pas ndeshjeve në Kupë dhe dy ndeshjeve të Përfaqësueses së Kosovës, sot (e mërkurë) rikthehet Superliga e Kosovës në basketboll. Gjatë ditës së sotme do...

Lajmet e Fundit