Lidhja Demokratike e Kosovës (LDK) ka nisur hapjen e zyrave të reja në Prizren dhe fshatra të ndryshëm për të zhvilluar fushatën zgjedhore për datën 9 shkurt.
Kryetari i degës së LDK-së në Prizren, Driton Selmanaj, tha se kjo është një mundësi për të zgjeruar ndikimin e partisë dhe për të afruar programin e saj me qytetarët e Kosovës.
“Ne kemi nisur me fshatin Gjonaj dhe do të vazhdojmë me hapjen e zyrave në lagje dhe fshatra të tjera të Prizrenit. LDK është duke u shtrirë tek secila familje, për t’i ofruar një alternativë të qartë dhe të realizueshme për qytetarët”, tha Selmanaj.
Ai gjithashtu theksoi se rajoni i Hasit dhe Prizrenit do të udhëheqin ndryshimin e madh që do të sjellë LDK, duke përmendur rëndësinë e mikpritjes dhe mbështetjes që kanë marrë gjatë këtyre aktiviteteve.
Me këtë fushatë, LDK synon të rrisë përkrahjen dhe të arrijë një rezultat të suksesshëm në zgjedhjet e 9 shkurtit.
Marketing
