FC Ballkani ka kënaqësinë të njoftojë afrimin e sulmuesit Valentin Serebe, i cili i bashkohet ekipit në formë huazimi nga skuadra e njohur rumune, CFR Cluj.
“Me kënaqësi ju njoftojmë se sulmuesi Valentin Serebe i është bashkuar ekipit tonë në formë huazimi nga skuadra e njohur rumune, CFR Cluj”, thuhet në njoftimin e klubit, përcjell PrizrePress.
Në deklaratën zyrtare, FC Ballkani e cilëson Sereben si një përforcim të rëndësishëm për repartin ofensiv:
“Serebe vjen te Ballkani si një përforcim i rëndësishëm për repartin ofensiv, duke sjellë me vete eksperiencë dhe cilësi të dëshmuara në sulm.
Jemi të bindur se me talentin dhe përkushtimin e tij, ai do të ndihmojë ekipin në arritjen e objektivave tona këtë sezon”./PrizrenPress.com/
