Një rast i falsifikimit të parasë është hapur në Prizren pas raportimit të një zyrtareje të bankës TEB, e cila ka identifikuar kartëmonedha dhe monedha të dyshuara si të falsifikuara.
Burime brenda bankës bëjnë me dije se F.B, e punësuar në bankën TEB në Prizren, është detyruar për t’u paraqitur në stacionin policor më 23 maj 2025, rreth orës 14:00, për të raportuar se klientë të bankës kishin dorëzuar kartëmonedha dhe monedha në vlerë prej rreth 600 euro, të cilat dyshohen se janë të falsifikuara.
Siç mëson Sinjali, pas intervistimit të ankueses, në rast janë përfshirë hetuesit policorë, të cilët në konsultim me Prokurorin e Shtetit kanë iniciuar procedurë penale për veprën: “Falsifikim i parasë”.
Të gjitha mjetet e dyshuara janë sekuestruar dhe dorëzuar në njësinë e krim-teknikës për ekzaminim të mëtejshëm, ndërkohë që hetimet janë në vazhdim për të zbuluar origjinën dhe personat përgjegjës për futjen e parasë së dyshuar në qarkullim.
Marketing
