Një person është gjetur pa shenja jete në orët e hershme të mëngjesit në Prizren.
Zëdhënësi i Policisë për Regjionin e Prizrenit, Shaqir Bytyqi, ka bërë të ditur se rasti është raportuar rreth orës 07:25, pasi policia ka pranuar informacion për një person të pajetë në rrugën “Enver Buqa”, në lagjen Arbana.

“Rreth orës 07:25 kemi pranuar informatën se në rrugën ‘Enver Buqa’, në lagjen Arbana në Prizren, një person është gjetur pa shenja jete nga një fqinj”, ka deklaruar Bytyqi.
Sipas tij, bëhet fjalë për një mashkull rreth 53-vjeçar me inicialet E.S., i cili jetonte me nënën e tij.
“Në vendin e ngjarjes kanë dalë ekipet emergjente që kanë konstatuar vdekjen, ndërsa njësitë policore kanë siguruar vendin e ngjarjes. Më pas kanë dalë edhe hetuesit rajonalë për të kryer procedurat e nevojshme”, ka shtuar ai.
Me urdhër të prokurorit kujdestar, trupi i pajetë është dërguar në Institutin e Mjekësisë Ligjore në Prishtinë për obduksion.
“Rasti është iniciuar si ‘Hetim i vdekjes’”, ka bërë të ditur Bytyqi.
Marketing
Shiten banesa moderne në lagjen “Tranzit i Ri” të Prizrenit – mundësi pagese me këste
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
