18.8 C
Prizren
E shtunë, 10 Maj, 2025

Vullin: Nuk shtyjmë serbët të dalin në zgjedhje

AleksandarVullinDrejtori i zyrës së qeverisë së Serbisë për Kosovën, Aleksandar Vullin ka thënë sot se qeveria serbe do të qartësojë pozitën e saj së shpejti rreth pjesëmarrjes së serbëve në zgjedhjet e ardhshme lokale në Kosovë, dhe rreth krijimit të një liste unike serbe.

“Është herët të flitet për barrierat eventuale kur është në pyetje lista unike serbe e zgjedhjeve, kurse pengesa e vetme është mosuniteti i pjesshëm i serbëve”, ka thënë Vullin, pasi liturgjisë në manastiri e Zoqistes në Hoçë të Madhe, ku kishte ndjek liturgjinë e mëngjesit.

Vullin porositi se “ata [serbë] që votojnë në zgjedhjet lokale në Kosovë, do të mund ta bëjnë këtë gjë me dokumentet e Serbisë, kurse i tërë komunikimi do të bëhet përmes OSBE-së”.

I pyetur se si do të binden serbët të dalin në zgjedhjet e 3 nëntorit, ai tha se e kupton brengën dhe dyshimet e serbëve, por se “nuk e ka ndërmend të bind askend”.

“Ne kemi vetëm një interes, dhe një drejtim. Shteti i Serbisë është këtu, dhe do të rri këty. Shteti i Serbisë do të gjej rrugët për të qëndruar në Kosovë”, citohet nga Beta, të ketë thënë Vullin, transmeton REL.

Ai ka ftuar serbët e Kosovës që të unifikohen, sepse, siç ka vlerësuar, vetëm të bashkuar ata mund të mbijetojnë dhe të qëndrojnë në këtë vend.

Sipas zyrtarit të lartë të Serbisë, serbët në jug dhe veri të lumit Ibër, duhet të jetojnë si një popull, sepse të tillë janë, dhe se duhet të kenë të njëjtin qëndrim si qeveria e Serbisë, sepse, siç tha ai, nga kjo varet mbijetesa e tyre në Kosovë.

Më Shumë

Mbi 2 mijë gjoba gjatë 24-orëve në vend

Policia e Kosovës brenda 24 orëve ka shqiptuar mbi 2 mijë e 276 tiketa trafiku. Në raportin 24-orësh të policisë bëhet e ditur se kanë...

Qazim Berisha, personalitet i shquar në arsim, gazetari dhe përkthime

Profesor, gazetar spiker dhe përkthyes. Të përpiqesh që të rrokësh jetën e një personaliteti si të profesor Qazim Berishës, është përmasat e e vështirë, pasi...

Lajmet e Fundit