19.8 C
Prizren
E martë, 16 Gusht, 2022

Jahjaga e Thaçi urojnë Francën

Hashim Thaci dhe Atifete jahjagaLiderët institucional të Kosovës kanë uruar sot autoritetet franceze për Ditën Kombëtare të Francës.

Presidentja e Republikës Atifete Jahjaga i shkroi në urimin e saj presidentit të Francës François Hollande se në këtë ditë e cila mbart porosinë e lirisë dhe barazisë në mes popujve, ajo shprehu mirënjohjen më të thellë për mbështetjen e vazhdueshme të popullit dhe shtetit francez dhënë popullit të Kosovës në çdo hap.

“Populli i Kosovës do të mbetet gjithmonë mirënjohës dhe do të mbajë në zemrës miqësinë Tuaj,” thuhet në urimin e presidentes Jahjaga.

“Janë pikërisht këto vlera të lirisë, barazisë dhe vëllazërisë, të cilat po i festoni ju sot, mbi të cilat ne kemi ndërtuar shtetin e Kosovës, një shtet ku të gjithë qytetarët kanë të drejta të barabarta, pavarësisht përkatësisë etnike apo fetare dhe ju ofrohen mundësi për një jetë në paqe, në stabilitet dhe në prosperitet”, thuhet në komunikatën e dërguar medieve nga presidenca.

Në anën tjetër, edhe kryeministri Hashim Thaçi uroi homologun e tij francez Jean-Marc Ayrault, ku thotë se vlerat e Revolucionit Francez për liri, barazi, vëllazëri, me të cilat identifikohet Franca, u përqafuan nga mbarë civilizimi evropian.

“Në këtë kuadër, edhe sot roli i Francës në arenën ndërkombëtare vazhdon të jetë një rol determinues i zhvillimit dhe avancimit të vlerave më kulmore të demokracisë evropiane, një rol ky prestigjioz dhe me përgjegjësi të lartë”, thuhet në urimin e kryeministit të Kosovës.

Në Ditën Kombëtare të Francës, kryeministri Thaçi ritheksoj vullnetin dhe gatishmërinë e qeverisë së Kosovës për thellimin e bashkëpunimit me Qeverinë e Francës në të gjitha fushat e interesit të përbashkët.

Më Shumë

Begaj të hënën në Kosovë, destinacioni i parë jashtë Shqipërisë si president

Presidenti i Shqipërisë, Bajram Begaj do qëndrojë për vizitë zyrtare në Kosovë, me rastin e fillimit të mandatit të tij. Begaj vjen të hënën në...

Nga nesër rikthehen reduktimet e rrymës, thotë KEDS-i

Reduktimet për rrymën, do nisin që nga nesër në mëngjes. Kështu ka bërë të ditur KEDS ndërsa njofton për fillimin e kufizimeve të energjisë elektrike,...

Lajmet e Fundit