Këngëtarja e famshme Avril Lavigne nuk ka qenë në skenë për rreth pesë muaj, për shkak se vuan nga sëmundja e quajtur “Lyme”, sëmundja e cila fitohet nga infektimi i pickimit nga insektet.
Nëse nuk trajtohet, ajo mund të çojë në inflamacion të trurit dhe meningjit, mund të ndikojë edhe tek nervat në kafkë, si nervat periferike, të zemrës dhe strukturave të syrit.
“Kam qenë e gozhduar në shtrat për pesë muaj. Jam ndier sikurse nuk mund të merrja frymë. Sikurse nuk mund të lëvizja. Mendova se isha duke vdekur. Kjo sëmundje, ka thithur jetën nga unë”, ka thënë Avril.
Edhe pse është përfolur rreth ndarjes nga burri i saj, këngëtarja e ka mohuar këtë.
“Burri im ishte mbështetja ime më e madhe”.