Aleanca për Ardhmërinë e Kosovës, dega Rahovec, ka filluar me kohë për procesin e brendshëm zgjedhor.
Për këtë proces janë zgjedhur trupa punuese për mbarëvajtjen e këtij procesi, si kordinatori, grupi punues dhe sekretari i Kuvendit.
Në një prononcim për ORAinfo, sekretari i kuvendit, Ali Morina, shpjegon rrjedhën e këtij procesi.
“Dega e AAK-së në Rahovec i ka 26 nëndegë ku prej tyre zgjedhjet i kemi përfunduar në 15 nëndegë dhe në secilën nëndegë kemi zgjedhur edhe Kryesinë dhe delegatët për zgjedhjen e kryetarit të degës”, ka treguar Morina.
Ai ka shtuar se është bërë ristrukturimi në shumë nëndege me emra te rinj dhe kuadro të reja në udhëheqjen e degëve respektive.
Morina ka thënë se pjesëmarrja nëpër kuvende është mjaft masive, duke shprehur bindjen në fuqizimin e Aleancës në Rahovec dhe në tërë Kosovën.
Kryetari i degës së AAK-së në Rahovec është Smajl Latifi, i cili pritet të ketë mbështetje të fuqishme edhe për një mandat./ORAinfo/