Ky plan sot është prezantuar në një ceremoni solemne në hollin e “Shtëpisë së Bardhë” nga koordinatorja Flaka Xërxa.
Kryesusi i KK-së Kujtim Gashi tha se Plani për Trashëgimi është një ndër dokumentet më të rëndësishme që do të ketë komuna e Prizrenit në zhvillimin, promovimin dhe ruajtjen e trashëgimisë kulturore.
“Ky dokument do të jetë pjesë përbërëse e synimeve të Komunës së Prizrenit për hartimin e strategjive dhe iniciativave tjera të cilat do të ndërmarrë komuna në të ardhmen e afërt por, veçantia e këtij plani është se, dokumenti si i tillë është hartuar dhe, buron nga projekti i përbashkët i Bashkimit Evropian dhe Këshillit të Evropës, ku për synim ka edhe zhvillimin e komponentës së Turizmit”, tha ai.
“Të gjithë jemi të vetëdijshëm se në vendin tonë, për shkak të luftës së fundit, por edhe më herët, trashëgimia ka pësuar degradim dhe shkatërrimit të jashtëzakonshëm, duke zhdukur fakte dhe demoluar shumë monumente kulturo-historike me vlera të veçanta, padyshim që, trashëgimia ishte dhe do të mbetet pasuri e veçantë e cila e karakterizon vendin tone”.
Projektet dhe strategjitë të cilat kanë filluar të jetësohen, pos që ruajnë trashëgimin, ato në të njëjtën kohë, edhe promovojnë diversitetin kulturor”/PrizrenPress.com