Në kuadër të festivalit të vjeljes së rrushit në Rahovec, “HardhFest”, që do të mbahet më 5 e 6 shtator, do të interpretojë grupi i njohur kosovar i rokut alternativ, “Asgjë Sikur Dielli”.
Mbajtjen e këtij koncerti e kanë bërë të ditur organizatorët e festivalit dhe vet grupi gjithashtu nëpërmjet faqes së tyre në rrjetin social, Facebook.
“Jemi shumë të gëzuar që pas një kohe të gjatë po kthehemi në Rahovec, për të performuar në Hardh Fest”, thuhet në faqen e grupit Asgjë Sikur Dielli.
Në kuadër të festivalit “HardhFest” do të ketë koncerte rok, pop e DJ për 2 net radhazi me artistë të njohur nga Kosova, Shqipëria e rajoni emrat e së cilëve pritet të bëheën të ditur së shpejti.
