Dje rreth orës 20:30 minuta në Prizren ka ndodhur një incident i armatosur ku si pasojë ka humbur jetën shtetasi i Kosovës, Hekuran Morina dhe ka mbetur i plagosur vëllai i tij Fadili.
Motivi i këtij krimi sipas policisë është zhvatja ndërsa gazeta “Zëri” sot ka mësuar se njëri nga dy të dyshuarit kryesorë për vrasjen e Hekuranit quhet Bernard Prelazri dhe i njëjti ka pasur një proces gjyqësorë me aktakuzën e ‘detyrimit;.
Lajmin për “Zërin” e ka konfirmuar kryeprokurori i prokurorisë themelore në Prizren, Sylë Hoxha.
“I dyshuari për vrasjen e Hekuranit ka pasur një aktakuzë në polici për veprën penale të detyrimit”, ka thënë Hoxha.
I dyshuari ende mbetet në arrati dhe policia është në kërkim të tij./Zeri/