Shefi i Grupit Parlamentar të PDK-së, Adem Grabovci i është kundërpërgjigjur kërkesës së opozitës për zgjedhje të parakohshme. Ai në një prononcim për gazetën Blic ka thënë se nuk është lajm kërkesa e opozitës për të shkuar në zgjedhje të reja.
Sipas tij, është e drejtë legjitime e opozitës që të kërkoj zgjedhje të reja, por ai ka thënë se në demokraci ka rregulla.
“Demokracia e ka rregullat e saja dhe ato rregulla duhet të respektohen. Nëse nuk respektohen atëherë shkohet në anarki, dhe PDK nuk është e interesuar që ta dërgoj vendin drejt anarkisë”, tha ai për Gazetën Blic.
Sipas Grabovcit edhe po të shkoj sot në zgjedhje, pikërisht është opozita ajo që do të humb më së shumti. Ju garantoj se sërish PDK do të fitoj.
“Alternativa më serioze qeverisëse në vend është PDK. Prandaj, edhe po të shkohej sot në zgjedhje PDK do të fitoj”, tha ai.
Graboci ka thënë se format ekstreme që po i përdor opozita për ta marrë pushtetin, vetëm sa do të irritojnë qytetarët e vendit.
Ai ka një kërkesë për opozitëm.
“Ata është më mirë që të merren me zhvillimin e alternativës e jo të kërkojnë zgjedhje pa nevojë”, ka thënë Grabovci për Gazetën Blic./ Gazeta Blic