Asambleisti nga radhët e Partisë së Drejtësisë në asamblenë komunale në Therandë, Bajram Tërshani, ka ngritur shqetësimin e tij lidhur me dhunën në familje dhe vendimet joadekuate nga ana e gjykatave vendore.
Partia e Drejtësisë në Therandë, dënon ashpër vrasjen e Zejnepe Bytyqit nga bashkëshorti i saj dhe njëkohësisht apelon tek organet e sigurisë për vigjilencë dhe maturi në mënyrë që të evitohen me kohë shkaktarët që shpien në dhunë familjare.
Asambleisti Tërshana, ka kërkuar nga organet e sigurisë që në mbledhjen e radhës, për rastin në fjalë, të raportojnë në asamblenë komunale duke potencuar se rastet e këtilla nuk guxojnë të përsëriten.
Ky propozim i Tërshanës u mbështet unanimisht nga asamblistët e Therandës.