Kryetari i Këshillit për Mbrojtjen e Veteranëve të Ushtrisë Çlirimtare të Kosovës, Xhevdet Qeriqi, ka deklaruar në emisionin “Kontakt” në Tribuna Channel se vendimi për pagesën e veteranëve të UÇK-së, është shumë i vonuar dhe se Qeveria e Kosovës nuk mund të mburret me një vendim të tillë, pasi sipas tij, shumë veteranë kanë bërë vetëvrasje nga kushtet e rënda që kanë pasur.
Ai mendon se kjo është dashur të ndodhmenjëherë pas luftës.
“Është një vendim i vonuar, është dashur të pritet shumë. Mendoj që nuk është për tu lavdëruar se është bërë një punë, nuk është për tu mburrur. Është dashur që menjëherë pas luftës të merren dhe të zgjidhet ky problem. Kemi raste të vetëvrasjeve të veteranëve, familjet e tyre jetojnë në një gjendje të mjerueshme. Shumë veteranë të dëshpëruar u dashtë të ikin jashtë vendit për një jetë më të mirë”, tha Qeriqi.
Ai theksoi se ka pasur takime të vazhdueshme me qeveritarë të cilët i kanë thënë se arsyeja e këtyre vonesave ka pasur të bëjë me pengesë nga ndërkombëtaret dhe me mungesë të mjeteve.
Intervistën e plotë mund ta ndiqini në videon e mëposhtme.