Grupi punues për hartimin e Planit të Menaxhimit për Qendrën Historike të Prizrenit, sot ka mbajtur takimin e parë të punës.
Drejtori i Qendrës Rajonale për Trashëgimi Kulturore në Prizren, Samir Hoxha tha se në këtë takim është diskutuar për veprimet konkrete të cilat do të ndërmerren në ditët e ardhshme.
“Në përputhje me Ligjin për Trashëgiminë Kulturore, Ligjin për Qendrën Historike të Prizrenit të Prizrenit, Ligjin për Planifikim Hapësinor si dhe në zbatim të detyrimeve të përcaktuara dhe planit të punës për vitin 2016, është përfunduar procesi konsultimeve me të gjitha palët për formimin e grupit punues për hartimin e Planit të Menaxhimit për Qendrën Historike të Prizrenit”, shkruan Hoxha në Facebook.
“Grupi punues për hartimin e planit të menaxhimit për Qendrën Historike të Prizrenit, përbëhet prej përfaqësuesve institucional nga niveli qendror atij lokal dhe përfaqësues të shoqërisë civile”./PrizrenPress.com/