Arlind Ajeti ka firmosur kontratën me Torinon.
Nga burime pranë stafit që menaxhon futbollistin, mediat italiane kanë arritur të sigurojnë foto nga momenti i firmës me klubin italian.
Që në orët e para të mëngjesit të së enjtes, Ajeti zhvilloi vizitat mjekësore në klinikën “Medicina Dello Sport”, duke i kaluar të gjitha me sukses, ndërsa më pas takoi drejtuesit e klubit të Torinos të cilët kishin insistuar për blerjen e tij.
Atë e priste gati edhe kontrata e tij me Torinon, e negociuar një ditë më parë nga përfaqësuesit e lojtarit. Ajo do të jetë tre vjeçare, me të drejtën e zgjatjes edhe për dy vite të tjera. Nga kjo kontratë, Ajeti do të përfitojë rreth 500 mijë euro në sezon.