Një vajzë e re nga Kukësi pretendon se është shfrytëzuar si prostitutë nga dy persona në Kosovë.
20-vjeçarja me inicialet H.Sh. ka rrëfyer dje se një mashkull dhe një femër, e kanë shfrytëzuar për prostitucion në një lokal në Prizren.
“Më shfrytëzuan si prostitutë në Prizren, më gjenin klientë dhe më kërcënonin që t’u bindesha”, shprehet ajo. Të kallëzuarit janë shtetasit Q.C., 39 vjeç dhe R.A., 48 vjeçe me banim në Kukës, të cilët duke shfrytëzuar njohjen e saj nëpërmjet mashtrimit e kanë çuar në Kosovë.
Vajza ka thënë se kishte njohje me 48-vjeçaren, e cila ka qenë bashkëpunëtore në këtë ngjarje. Rasti në fjalë i kaloi për ndjekje të mëtejshme Prokurorisë së Kukësit.