Shefi West Hamit, David Sullivan mendon se Simone Zaza mund të bëhet një yll i madh në Premierligë.
Zaza gjatë kësaj javë iu bashkua klubit anglez nga Juventusi. Sullivan thotë se ka qenë një ditë e madhe për klubin e tij kur Zaza firmosi për West Hamin.
“Ka qenë ditë e madhe për klubin kur nënshkruam me Simone Zazan nga Juventusi”, ka thënë Sullivan.
“Zaza mund të bëhet një nga yjet më të mëdhenj në Premierligë. Ne i kemi parë cilësitë e tij, kur ai erdhi dhe shënoi gol në stadiumin e Londrës disa javë më parë”.
“Ai është i aftë dhe i gatshëm për të luajtur. Ne presim që ai të udhëheq sulmin kundër Watford”, ka theksuar Sullivan.