Sot është bërë varrimi i të ndjerit, Visar Begaj, pilotit shqiptar që ndërroi jetë pas një aksident me aeroplan privat në afërsi të Shkupit. Varrimi i tij është bërë në Malishevë, rreth orës 16:00.
Ai vdiq së bashku me 4 bashkëpunëtorë italianë, të cilët po vinin në Kosovë me mision të investimit për një shkollë të aviacionit në qytetin e Istogut.
Trupi i pajetë i Begajt është lëshuar sot nga morgu i Shkupit, ndërsa varrimi i tij është bërë në qytetin e tij të lindjes.
Ambasada e Kosovës në Shkup gjatë gjithë kohës ka ndihmuar dhe ka qenë në dispozicion të familjes Begaj.