Kapiteni i Manchester City, Vincent Kompany, nuk do të jetë titullar i padiskutueshëm kur të kthehet, ka thënë Pep Guardiola.
Kompany ka pasur probleme me muskujt e kofshës në disa raste, dhe u dëmtua në gjysmëfinalen ndaj Real Madrid, në muajin maj.
Belgu është afër kthimit në fushat e blerta, por Guardiola ka thënë se ai duhet ta provojë se është më i mirë se konkurrenca për pozitë.
“Ata duhet të garojnë me njëri-tjetrin. Duhet të shohim në fushë dhe të zgjedhim cili është më i mirë”.
“Kjo është mënyra më e mirë që në prill ose maj të jemi duke luftuar për tituj. Lojtarët duhet të garojnë mes vete”.
“I di kualitetet e Kompany. Por ai duhet të bëjë presion tek Stones, Nicolas, Kolarov. Tek të gjithë”.