Trajneri i Liverpool, Jurgen Klopp, ka mbrojtur stilin e lojës që zhvillon klubi i tij, pas barazimit me Manchester United dhe ka thënë se ai dhe Liverpool s’do të donin ta fitonin titullin duke zhvilluar lojë si ajo e United e Jose Mourinhos.
“Jose ka bërë atë që mendon se është e drejtë dhe kjo është në rregull. Ne na e vështirësonte jetën kjo lojë, por unë s’mund të shkojë e t’i them ‘hapeni lojën pak ju lutem’. Nuk funksionon kështu”, ka thënë Klopp.
“Ata duan ta fitojnë titullin, por unë jam i sigurt se Liverpool edhe po të mos e fitonte titullin 125 vjet s;do të mund të luante ashtu në atë stil. Ne s’mund të rrimë prapa dhe të themi ‘le të presim’, kjo s’është e mundur”.