Ish-kryeministri turk, Ahmet Davutoglu ka thënë se vendi i tij hap shkolla në gjithë botën për t`iu mësuar të tjerëve historinë turke por se kanë hapur shkollën “Yunus Emre” në Prizren për të mësuar historinë turke sepse sipas tij Prizreni është vetë historia e Turqisë.
Këto komente Davutoglu që vjen nga partia për Drejtësi dhe Zhvillim e presidentit turk Recep Tayip Erdogan i bëri në Prishtinë me rastin e promovimit të librit të tij “Qytete dhe qytetërime”.
Pos promovimit të librit, ish-kreu i ekzekutivit turk gjatë qëndrimit në Kosovë do të takohet edhe me kryeministrin Ramush Haradinaj, njofton Klan Kosova.