Njëri prej lojtarëve më të mirë në historinë e skuadrës së Real Madrid, Raul Gonzalez, pasi ishte pensionuar nga futbolli aktiv, nuk e dinte se çfarë roli do të kishte në të ardhmen e tij dhe pak kush e dinte se cilat ishin planet e tij pasi hoqi këpucët e futbollit.
Megjithatë, ai në vitin 2017 u kthye tek ish-skuadra e tij dhe që nga atëherë, Raul ka kaluar mjaft kohë duke e studiuar funksionimin e akademisë së të rinjve tek “Los Blancos”, e poashtu kishte marrë pjesë edhe në disa stërvitje dhe kohë pas kohe kishte udhëtuar edhe me ekipin e parë.
Pritet që Raul do të marrë licencën e tij të trajnerit gjatë muajit prill , në kursin elitar të radhës nga Federata e Futbollit të Spanjës. Përndryshe, ky kurs ose program është për ish-lojtarët spanjoll, të cilët kanë kaluar dhjetë vite apo më shumë në rangun më të lartë të futbollit spanjoll, në La Liga dhe dëshirojnë të licencohen si trajner.
Më pas, Raul pritet se do të marrë drejtimin e ekipit të rinjve B të Real Madrid, duke e zëvendësuar Alvaro Benito, i cili do të promovohet një nivel më lartë, duke e trajnuar ekipin e të rinjve A.
Normalisht që Raul në një të ardhme, shpreson se do të marrë ndoshta edhe detyrën e trajnerit të skuadrës së parë të Real Madrid, duke e zëvendësuar francezin Zinedine Zidane