Drejtoria e Inspektoratit të Komunës së Prizrenit, e ka dorëzuar në Prokurorinë Themelore, një kallëzim penal ndaj një qytetari, i cili ka bërë shkatërrimin e një objekti të trashëgimisë kulturore në Qendrën Historike të qytetit.
“Fjala është për objektin e mbrojtur nga lista e trashëgimisë së Ministrisë së Kulturës (shtëpia e familjes Hisari) e ndërtuar në shekullin XIX:, njofton Komuna e Prizrenit.
“Sipas ligjit në fuqi, dëmtimet dhe shkatërrimet e paautorizuara të objekteve të mbrojtura në Republikën e Kosovës janë të dënueshme”.
“Ftojmë qytetarët që të mos ndërmarrin veprime të tilla në të ardhmen pa pëlqimin e organeve kompetente”./PrizrenPress.com/