Gennaro Gattuso beson se Hachim Mastour është përmirësuar që kur e kërcënoi me thyerje dhëmbësh.
19-vjeçari që u ble nga Milani për 500 mijë euro dhe që konsiderohej talent shkaku i disa videove në YouTube, ende nuk ka debutuar në ekipin e parë të klubit italian, por Gattuso me stafin e tij ia kanë dhënë një rast që të luajë për ekipin “Primavera”
“Së fundmi kemi biseduar shumë”, ka thënë Gattuso në konferencën për media.
“E kërcënova sepse u bë më i famshëm me video sesa duke luajtur, por nuk do ta bëjë këtë sepse i thash se do t’ia thyej dhëmbët”, ka theksuar trajneri italian.
“Në muajt e fundit është përmirësuar dhe kemi vendosur që ai të luajë për Primaveran”.
Gattuso nuk beson se është shumë vonë që Mastouri të tregojë talentin e tij, edhe pse ka insistuar se së pari duhet të mësojë nga gabimet.
“I ka ikur treni, por ai nuk është 50 vjeçar, është 20-vjeçar dhe mendoj se duhet të mësojë nga gabimet”.