Shoferët e ardhshëm në Austri nuk do të mundë ta japin provimin në gjuhën turke, ka njoftuar Ministria austriake e Komunikacionit, transmeton Koha.net.
Një pjesë e turqve që jetojnë e punojnë në Austri e jepnin testin me shkrim në gjuhën turke. Numri i tyre vinte menjëherë pas atyre që provimin e jepnin në gjuhën gjermane.
Ministri i Komunikacionit Norbert Hofer, nga Partia e Lirisë, thotë se qëllimi i kësaj mase është pakësimi i shpenzimeve, përcjell al jazzera.
Veç kësaj, ka shtuar ai, qëllimi është që të huajt të mësojnë gjuhën gjermane.
Ndërprerja e dhënies së provimit për shofer në gjuhën turke u bë kohën kur janë ashpërsuar marrëdhëniet ndërmjet Austrisë e Turqisë.
Kancelari Sebastian Kurz dëshiron që BE t’i ndërpresë bisedime me Turqinë.