Opozita në Prizren kërkon mbajtjen e Festivalit “Zambaku i Prizrenit”.
Kuvendari i AAK-së, Ilir Baldedaj, në mbledhjen e jashtëzakonshme të Kuvendit, tha se me mosmbajtjen e “ Zambakut…”, përbuzen vlerat që ka Prizreni.
Ai, kërkoi dorëheqjen e drejtorit të Kulturës.
Ndërkaq, Shefi i Grupit të kuvendarëve të PDK-së Simir Krasniqi, akuzoi pushtetin për shumë dështime, në mesin e tyre edhe Festivali “ Zambaku i Prizrenit”.
Kuvendari i LDK-së, Haziz Hodaj tha se debati për “Zambakun…” është i kot “pasi që kryetari ka njoftuar se ky festival do të mbahet”.
Kuvendarët e pozitës, ndërkaq nuk kanë marrë pjesë në mbledhjen e jashtëzakonshme të kërkuar nga AAK./PrizrenPress.com/