Kylian Mbappe ka pranuar një fanellë të nënshkruar nga legjenda Pele, i cili ka përcjellë paraqitjen e francezit në Kupën e Botës 2018.
Përmes rrjeteve sociale, sulmuesi i Paris Saint-Germanit ka shfaqur me krenari dhuratën e pranuar.
“Faleminderit për këtë dhuratë të mahnitshme, Mbret”, ka shkruar Mbappe në Twitter,
Ish-anëtari i Monacos shënoi katër gola në Rusia 2018, përfshirë edhe atë në finale ndaj Kroacisë, dhe kjo bëri që ai të fitojë çmimin e lojtarit më të mirë në këtë turne.
Po ashtu 19-vjeçari u bë lojtari i parë i ri, që ka shënuar më shumë se një herë në një ndeshje të Kupës së Botës, që kur Pele realizoi dy herë në ndeshjen që Brazili e zhvilloi kundër Suedisë në vitin 1958.
Pas kësaj, Pele i dërgoi urimet e rij yllit francez, megjithëse me shaka i tha se do të kthehej për të kërkuar rekordin e tij.
Aktualisht në Ligue 1, Mbappe është i pezulluar për shkak të kartonit të kuq, ndërsa pritet të kthehet kundër Nices më 29 shtator.
klankosova.tv
- F