Drejtori i Milan, Paolo Maldini pas rezultateve jo të mira të Rosonerëve ka provuar të qetësojë fansat të cilët kërkojnë shkarkimin e Gennaro Gattusos.
“Unë kuptojë shumë mirë zhgënjimin e madh për ndeshjet e Ligës së Evropës, por ne duhet të shikojmë përpara me sigurinë që kishim më herët”, ka deklaruar legjenda e Milan.
Ai vlerësoi si pozitive performancën e deritashme të Kuq e Zinjve.
“Ne gjithashtu jemi të bindur se Milan ka luajtur mirë në shumicën e ndeshjeve. Në ligën tonë edhe ekipet e vogla mund të shkaktojnë probleme”, ka shtuar 50 vjeçari.
Tutje Maldini kërkoi fokusim për dy ndeshjet e radhës, të cilat në rast të fitoreve do të kthenin italianët në zonën e Ligës së Kampionëve.