Parlamenti Studentor i Universitetit të Prizrenit, nuk po mund të pajtohet me zgjedhjen e ushtruesit të detyrës së Rektorit, Ismet Temaj.
“PrizrenPress”, ka siguruar bashkëbisedimet e tyre në rrjetin social “Facebook”, ku shihen ‘planet’ për organizimin e aksioneve kundër Temajt.
Ismet Temaj ishte zgjedhur vitin e kaluar Rektor i UPZ-së. Kundër zgjedhjes së tij patën dalur përfaqësuesit e Parlamentit Studentor dhe ish-rektori Ramë Vataj.
Vataj, ishte ankuar edhe në Gjykatën Themelore të Prizrenit.
Ndërkaq, Gjykata Themelore e Prizrenit përmes aktgjykimit ka refuzuar kërkesë-padinë e ish-rektorit të Universitetit “Ukshin Hoti”, Ramë Vataj, ndaj këtij universiteti publik lidhur me vendimin e muajit maj të vitit të kaluar për zgjedhjen e rektorit Ismet Temaj.
Zëdhënësja e Gjykatës Themelore të Prizrenit, Afërdita Kicaj, ka konfirmuar se kjo gjykatë ka përfunduar aktgjykimin e padisë së paditësit Ramë Vataj kundër Universitetit “Ukshin Hoti”.
Ismet Temaj, gjatë kohës sa lënda po trajtohej nga gjykata, ishte zgjedhur ushtrues detyre i UPZ./PrizrenPress.com/
