NISMA Socialdemokrate – DEGA në Prizren, uron të gjithë qytetarët me rastin e festave të Qershorit, 141 vjetorit të Lidhjes Shqiptare të Prizrenit dhe 20 vjetorit të Çlirimit.
“Lidhja Shqiptare e Prizrenit, ishte dhe mbetet simbol i bashkimit kombëtarë dhe gurthemel i shtetësisë shqiptare”, thuhet në urimin e Nismës.
“Epoka e Lidhjes së Prizrenit është njëra ndër periudhat më të lavdishme dhe më të ndritura të historisë së kombit tonë. Ajo do të mbetet në kujtesën e popullit tonë si simbol i bashkimit kombëtarë dhe gurthemel i shtetësisë shqiptare. Pra Lidhja e Prizrenit ishte ngjarja më kulmore e popullit shqiptarë per pavarësi, e cila vazhdoi më pas me Luftën e Lavdishme të Ushtrisë Çlirimtare të Kosovës, që përfundimisht rezultoi me triumfin e shqiptarëve dhe kapitullimin përfundimtarë të armikut shekullorë”.
“12 qershori i vitit 1999 është dita më e madhe, më e lumtur dhe e paharruar. Marshimi i Ushtrisë Çlirimtare të Kosovës dhe trupave të NATO-s rrugëve të Prizrenit dhe të Kosovës duke i sjellë popullit të Kosovës lirinë e ëndërruar ndër shekuj, shënoi gëzimin më të papërshkruar me fjalë të qytetarëve, të cilin e përshkroi në mënyrën më besnike blici i aparatit dhe syri i kamerave televizive.
Urime 141 vjetori i Lidhjes Shqiptare të Prizrenit!
Urime 20 vjetori i Çlirimit të Prizrenit!