Duke emetuar thelbin e tingujve punk blues, të cilat tërhoqën vëmendjen e muzikantit australian Nick Cave, këngëtarja dhe tekstshkruesja amerikane Shilpa Ray do të performojë për herë të parë në Kosovë. Koncerti i saj do të mbahet më 26 korrik te “Lumëbardhi” në Prizren, me fillim nga ora 21:00, shkruan sot gazeta “Zëri”.
I ndeshur me vlerësimin e zhurmshëm dhe me entuziazmin, albumi i saj i fundit “Door Girl” (2017) është një përshkrim alternativ ëndërrues dhe i gjallë, që ushqehet me rebelim dhe reagime, duke zbuluar një nivel mbresëlënës të cilësisë së prodhimit, përmes së cilit secili instrument është i përcaktuar aq qartë. Së bashku me zërin e saj të veçantë – një gjë e rrallë për shkak të papërsosmërisë së saj rrezatuese, Ray është rrëfyesja e tregimit që jeton një jetë si muzikante dhe magjistare, për të cilën secila këngë është një jetë tjetër që ajo ka jetuar.
Mbrëmjen do ta hapin dhe mbyllin djemtë e grupit “Tetris” nga Prishtina, të cilët do të sjellin tinguj të bazuar në frazat hipnotike nga një numër tingujsh synth dhe deep bass, të shoqëruara nga imazhet e filmave eksperimentalë të viteve 20’ dhe 30’, të kompiluara nga “Tetris”. Sezoni i muzikës te “Lumëbardhi” mbështetet nga Komuna e Prizrenit, “Gjirafa”, “BpB”-ja dhe “Koha Group”. Zëri