Kryetari i LDK-së në Prizren, Anton Quni ka mbledhur sot strukturat e partisë, ku ka raportuar për punën që është bërë gjatë zgjedhjeve të 6 tetorit.
Ai, ka falënderuar Shefin e Shtabit Zgjedhor, Hanifi Muharremin për angazhimin që ka treguar në këto zgjedhje.
“Falënderoj Hanifiun dhe gjithë të angazhuarit e tjerë në zgjedhje për punën që kanë bërë që LDK-ja të shënojë këtë rritje”, tha Quni.
Ai, premton se LDK-ja do të vazhdojë të punojë për të rritur besimin tek qytetarët.
Quni në shenjë falënderimi, Shefit të Shtabit Zgjedhur , Hanifi Muharremit ia ka dhuruar një orë dore.
“Është jashtëzakonisht ndjenjw e mirë kur të vlerësohet angazhimi”, tha Muharremi.
“Unë kurrë nuk kam bartur orë, por këtë që ma dhuruat do ta mbajë”, tha ai./PrizrenPress.com/