15.8 C
Prizren
E mërkurë, 21 Maj, 2025

Kolumbia thyen rekordin, asgjëson 100 mijë ha plantacione me kokainë

Kolumbia thyen rekordin e vet. Vjet ajo ka asgjësuar plot 100 mijë hektarë plantacione me bimë narkotike.

Vendi amerikanojugor njoftoi se 94 për qind e fushave të mbjella me shkurret tropikale të kokës, lëndën bazë për prodhimin e kokainës, u shkatërruan nga autoritetet në mënyrë manuale.

Eliminimi me djegie është ndaluar nga gjykatat për arsye sigurie, dhe presidenti i vendit po nxit politika që kjo zgjidhje efikase të aplikohet së shpejti.

“Dua të theksoj punën e madhe të kryer nga forcat ligjzbatuese, por pa dyshim që tani do përballemi me sfidën tjetër të rimbjelljeve. Kolumbia e ka të qartë objektivin për të reduktuar me 50 për qind zonën e mbjellë ilegalisht brenda vitit 2022 apo 2023,” deklaroi presidenti kolumbian, Ivan Duque.

Që prej ardhjes në pushtet 17 muaj më parë, dhe prej presionit amerikan, kreu i shtetit dhe qeveria e tij i kanë shtuar aksionet për eliminimin e plantacioneve ilegale, dhe kanë konfiskuar më shumë se 400 tonë kokainë.

Sipas Kombeve të Bashkuara, në 2018-ën vendi prodhues më i madh në botë i kokainës kishte mbjellë ilegalisht një sipërfaqe prej 169 mijë hektarë bimë kokaine.

Sasia që mjafton për të përgatitur mbi 1,100 tonë kokainë ka për destinacion kryesisht Amerikën/Ora News.

Më Shumë

LDK-ja përkrah prokurorinë në luftën kundër korrupsionit në Prizren, kërkon veprime edhe për rastet e tjera

Dega e LDK-së në Prizren ka vlerësuar aktakuzën e ngritur nga Prokuroria Themelore e Prizrenit për veprat penale të keqpërdorimit të detyrës zyrtare dhe...

PDK-ja në Dragash ngre dyshime për tenderin e vizitës së kuvendarëve në Austri, Komuna i mohon pretendimet

Dega e PDK në Dragash përmes një reagimi ka adresuar dyshimin për keqpërdorim të parasë publike dhe përzgjedhje të operatorëve me favorizim nga drejtuesit...

Lajmet e Fundit