Pasditën e djeshme klankosova.tv raportoi për një veturë të djegur në fshatin Vlashnjë dhe se brenda saj dyshohej për një viktimë.
Në raportin 24 orësh të Policisë bëhet e ditur se viktima brenda veturës është mashkull por se ende nuk është identifikuar, njofton Klan Kosova
Trupi është dërguar për obduksion dhe rasti mbetet nën hetime.
“Fsh. Vlashnje, Prizren 21.06.2020. Është hasur një veturë e djegur tek nënkalimi i autostradës, aty ishte edhe një person duke u djegur, dyshohet i gjinisë mashkullore por ende nuk është identifikuar. Në vendin e ngjarjes kanë dalur njësitë relevante policore, mjekësore dhe zjarrfikësit. Me urdhër të prokurorit të shtetit trupi i pa jetë dërgohet në IML për autopsi. Rasti mbetet nën hetime”.