Dueli ndaj Atalantës po afron, PSG do të sfidojë ekipin italian të mërkurën në mbrëmje për një biletë në gjysmëfinalet e Champions League.
Kylian Mbappe është dilema e madhe. Ylli i kampionëve të Francës pësoi një dëmtim në finalen e Kupës së Francës kundër St Ettiene (24 korrik) dhe po bën maksimumin për t’u rikuperuar në limite.
Mediat franceze theksojnë se sulmuesi do të jetë në pankinë për duelin ndaj djemve të Gasperinit. Ai e ka kërkuar me ngulm diçka të tillë dhe maksimumi do të luajë disa minuta gjatë ndeshjes.
Trajneri Thomas Tuchel nuk dëshiron ta rrezikojë, por mund të vendosë ta hedhë në fushë gjatë ndeshjes, gjithmonë nëse rezultati nuk është pozitiv dhe PSG ka nevojë për të shënuar.