Jurgen Klopp beson se tetë klube janë në garë për titull të Premier Leagues. Ai është i bindur se mbajtja e titullit kampion i Liverpoolit do të ishte arritje më e lartë se ajo e sezonit të shkuar.
Kampioni anglez do të kthehet në aksion ndaj Leicesterit të dielën, me shumë mungesa në mbrojtje si pasojë e lëndimeve të lojtarëve kryesorë.
Liverpooli ka nisur mirë sezonin, por pësoi një humbje shokuese nga Aston Villa 7:2, javë më parë. “Të Kuqtë” tani konsiderojnë se edicioni i ri është shumë më i vështirë se që kanë pritur.
“Mendoj se janë tetë”, ka thënë gjermani për “Mail” kur është pyetur se sa klube i sheh në garë për titull. “Garë e hapur? S’kam problem me këtë. Absolutisht në rregull”.
Kloppi ka pranuar se e konsideron të paarritshme kapjen e 100 pikëve në fund të sezonit. Madje sipas edhe 87 është tejet larg e arritshme.
“Nëse fitojmë sivjet do të ishte një e arritur e madhe të jem i sinqertë. Ndoshta më e madhe se e vitit të shkuar. Për këtë e dua Premier Leaguen, ka shumë konkurrentë të fortë”, ka thënë ai.