Ministria e Shëndetësisë ka njoftuar se gjatë 24 orëve të fundit, shtatë persona kanë vdekur nga COVID-19. Ndërsa, nga 5,095 testime, 173 qytetarë kanë rezultuar pozitiv me koronavirus.
Kurse 1,434 persona janë shëruar dhe 7,635 vazhdojnë të përballen me virusin vdekje prurës.
Ndërsa 24 orët e fundit janë dhënë 17.634 doza të vaksinës kundër COVID-19.
Në anën tjetër sipas Ministrisë, prej se ka filluar vaksinimi në të gjitha qytetet e Kosovës janë dhënë 1,193,786 doza të vaksinës, prej tyre me dozën e dytë janë vaksinuar 453,760 qytetarë.