Bajram Bytyqi nga Prizreni u plaçkit nga dy persona, përderisa po i transportonte ata me taksi, gjatë mbrëmjes së të martës.
Te rruga “Ekrem Rexha” ai thotë se ata e goditën dhe i shkaktuan lëndime trupore.
Hajnat ia morën 60 euro dhe telefonin mobil. Por, sipas 70-vjeçarit, ato nuk janë kushedi se çfarë dëmi, krahasuar me tronditjen që ai thotë se e pësoi.
Në polici deklaruan se nuk i kanë gjetur keqbërësit, por se po e hetojnë rastin.