Pasi u dëbua nga Australia për shkak të mosvaksinimit, Novak Djokovic-it iu ndalua hyrja atje edhe për një periudhë tre-vjeçare.
Mirëpo, numri një i tenisit në botë, mund të rikthehet më shpejt atje, pavarësisht se njëherë iu ndalua.
Sipas kryeministrit australian, Djokovic mund të kthehet në Australi më shpejt sesa ishte e parashikuar në ndalesën e tij.
“Ndalimi shkon në një periudhë trevjeçare, por ekziston mundësia që ata të kthehen në rrethanat e duhura dhe kjo do të konsiderohet në atë kohë,”, theksoi kryeministri Scott Morrison, shkruan BBC.
Kjo potencialisht do t’i lejonte Djokovic-it të merrte pjesë në vitin e ardhshëm në Grand Slam-in e njohur të “Australian Open”.
Turneu i këtij viti, i cili është lënë në hije nga problemet e vizave të lojtarit të pavaksinuar, filloi në Melburn të hënën.
Djokovic ishte planifikuar të luante më vonë gjatë ditës së hënë, por dëbimi i tij dramatik vetëm disa orë më parë, i dha fund shpresave të tij për të fituar një titull rekord të 21-të.
Djokovic u largua nga Australia të dielën pas 11 ditësh përballjesh të jashtëzakonshme ligjore, pasi që tenisti më në fund shteroi opsionet e tij dhe nuk kishte zgjidhje tjetër veçse të shoqërohej në aeroport nga policia.
Lojtari serb fluturoi nga Melburn për në Dubai gjatë mbrëmjes të së dielës, destinacioni i të cilit ishte Beogradi, me të mbërritur aty.
Ai u pa duke dalë nga fluturimi me një maskë në fytyrë dhe duke mbajtur dy çanta, i cili tha se ishte “i zhgënjyer” nga vendimi i gjykatës australiane, por ai shtoi se e respektonte vendimin e tyre.
/Albanianpost.com