Një aksident trafiku ka ndodhur sot në rrugën Prizren – Suharekë në fshatin Lutogllavë, ku dy persona janë lënduar.
Deri te aksidenti ka ardhur pasi njëra veturë ka dalë nga një autoservis dhe ka goditur veturën tjetër e cila po lëvizte nga Prizreni në drejtim të Suharekës.
Si pasojë e aksidentit, dy shoferët kanë marrë lëndime trupore, me ç’rast janë dërguar në spital për tretman mjekësor.
Gjendja e tyre shëndetësore është stabile dhe që të dy ndodhen jashtë rrezikut për jetë.