Presidenti i klubit të PSG-së, Nasser Al-Khelaifi, dëshiron me patjetër të ketë në skuadër yllin e Lille-s, Renato Sanches.
Mesfushori portugez kërkohet dhe nga Milan-i. Mirëpo ai preferon kalimin në “Parc des Princes” pasi i ofrohet dhe një pagë më e lartë se ajo në “San Siro”.
Oferta e parë e PSG-së për Sanches-in ishte 10 milionë euro. Edhe pse ka një vit të mbetur në kontratë, Lille e konsideroi shumë të ulët këtë ofertë.
Sipas raportimeve që vijnë nga “Le10Sport”, falë marrëdhënies së mirë mes dy drejtuesve kryesor të klubeve, Al-Khelaifi dhe Olivier Letang, gjuha e përbashkët mund të gjendet së shpejti. Por, PSG-ja do të duhet ta rrisë pak ofertën.
24-vjeçari e ka vlerën sipas “Transfermarkt” 28 milionë euro. Megjithatë, asnjë klub nuk e paguan këtë shumë, kur atij i ka mbetur dhe një vit kontratë.
Ish-lojtari i Bayern Munich, shkëlqeu sezonin e fundit me Lille-n, duke regjistruar 32 paraqitje në të gjitha garat, dy gola dhe pesë asistime.
/Albanianpost.com