Sektori i gjyqtarëve në Federatën e Futbollit të Kosovës dhe puna profesionale e gjyqtarëve edhe njëherë mori vlerësim të lartë nga UEFA.
Kjo për faktin se në raundin e dytë të fazës së grupeve të Ligës së Konferencës, UEFA e ka caktuar gjyqtarin kosovar, Visar Kastratin, për ta drejtuar ndeshjen e Grupit F, ndërmjet Gent-it dhe Shamrock Rovers.
Kjo ndeshje zhvillohet në stadiumin e Gent-it në Belgjikë, të enjten më 15 shtator, me fillim në ora 18:45.
Gjyqtari Kastrati do të asistohet nga Besnik Morina dhe Granit Hyseni, ndërsa gjyqtar i katërt do të jetë Genc Nuza.
Gjyqtarët nga Kosova në vazhdimësi kanë pasur rritje, e ku kanë gjykuar në ndeshje mjaft të rëndësishme ndërkombëtare deri më tash, teksa rritjen e tyre profesionale e dëshmon edhe delegimi në raundin e dytë të fazës së grupeve. /Albanianpost.com