Kësaj radhe ju dërgojmë në njërin ndër fshatrat më të mëdhenj të zonës së Hasit.
Është fjala për fshatin Romajë e Hasit. Veçantia e këtij fshati, fillon që nga etimologjia e emrit.
Gojëdhënat e banorëve që njihen si furrtarë të njohur gjithandej thonë se me ardhjen e perandorisë osmane dhe mbylljen e një burimi, banorët detyrohen të zbresin poshtë apo në “Ra Maja Poshtë” apo sot që njihet si Romajë. Në këtë fshat dikur ekzistonin tumat apo varrezat ilire.
Thuhet se brenda fshatit ekzistonte edhe një kishë ku sot e kësaj dite janë varrezat e komunitetit katolik. Rreth 50 vite më parë, ky fshat numëronte vetëm 68 shtëpi të banueshme, ndërsa ditëve të sotme, numri i banorëve ka arritur në rreth 4000.