Për herë të parë, portugezi nuk u paraqit në GOAL50 – pra, a ka përfunduar periudha e artë e 38-vjeçarit?
Cristiano Ronaldo apo Lionel Messi – Luis Figo dikur tha se ishte sikur të kërkohej të zgjidhte mes tartufit dhe havjarit. Sa i përket ish-kapitenit të Portugalisë, ishte vërtet çështje shije, shkruan Goal.
A preferon dikush ekzemplarin e përsosur fizik që ka Ronaldo, një makineri e pamëshirshme e golave ??që duket sikur të ishte ndërtuar në një laborator dhe megjithatë është, në fakt, një testament i gjallë e frymëmarrës i meritave të përpjekjeve njerëzore?
Apo Messi, një figurë si shpirtërore, i bekuar me një talent qiellor që i mundëson jo vetëm të luajë lojën e bukur, por edhe ta kontrollojë atë, që do të thotë se çdo herë që ai vendos këmbën në fushë, bëmat në dukje të pamundura bëhen të mundshme?
Është një debat që ka ndarë shumë tifozë futbolli për gati dy dekada. Por a po afrohet fundi i një epoke? A është afruar përfundimisht koha e Ronaldos në krye?
Sipas Goal, Statusi i Ronaldos si një nga lojtarët më të mëdhenj të të gjitha kohërave ka qenë prej kohësh i sigurt. Asgjë që ndodh nga tani deri në fund të karrierës së tij nuk mund ta ndryshojë këtë fakt. Rekordet dhe medaljet e tij flasin vetë.